Маңғыстау облысының Әкімдігімен және «Балық шаруашылығы ғылыми-өндірістік орталығы» ЖШС-мен бірлесіп іске асырылатын, тағамдық уылдырықты тірідей алу әдісімен бекіре тұқымдас балықтардың аналық табынын қалыптастырудың инновациялық технологияларын енгізу жөніндегі 019 бюджеттік бағдарламасы аясында, «Kazakh Osseter» ғылыми-өндірістік кәсіпорны» ЖШС базасында жұмыстың алғашқы кезеңі сәтті өткізілді.

Жоба өңірдегі заңды бекіре өнімдерінің ассортиментін кеңейтуге, сондай-ақ оның экспорттық және ішкі әлеуетін арттыруға бағытталған.

акваөсіру зертханасының ғылыми қызметкері Гүлдана Маратованың және шақырылған технолог-балық өсіруші Жасұлан Орынбаевтың қатысуымен келесідей негізгі іс-шаралар кешені орындалды:

• PIT-белгілерді пайдалана отырып, уылдырық беретін аналықтарды таңбалау жүргізілді;

• Бонитировка жасалып, болашағы зор аналық табын іріктеп алынды;

• Монтаждау жұмыстары орындалып, қыстату кешені дайындалды;

• Балықтарды бейімдеу және кейіннен қыстатуға отырғызу жұмыстары жүргізілді;

• Тағамдық уылдырық тірідей алу әдісімен сәтті алынды.

бұл кезең Маңғыстау облысында өнімнің экологиялылығына, сапасына және жоғары қосылған құнына бағытталған тұрақты әрі заманауи акваөсіруді дамытудағы маңызды қадам болды.