“Қазақстанның негізгі балық кәсіпшілігі су айдындарындағы балық түрлерінің ихтиопатологиялық зерттеулері және балық жұқпалы ауруларының жаппай таралу қаупін азайту бойынша кешенді іс-шараларды әзірлеу” тақырыбы бойынша іске асыру шеңберінде “Балық шаруашылығы ғылыми-өндірістік орталығы” ЖШС Атырау филиалының қызметкерлері мен “Қазақ ғылыми-зерттеу ветеринариялық институты” ЖШС және “микробиология және вирусология ҒОӨ” ЖШС мамандарымен бірлесіп 2025 жылғы 22-30 сәуір аралығында Жайық және Қиғаш өзендерінде Ихтиологиялық сынамалар жинау жұмыстары орындалды.

Зертханалық зерттеулер үшін аталған су айдындарында мекендейтін кәсіпшілік балықтардың барлық түрлерін қамтитын 108 сынама берілді.

2025 жылдың 25 сәуірінде БШҒӨО Гидробиология зертханасы ұйымдастырған «Каспий теңізі зообентосының омыртқасыздар қауымдастығын түрлік сәйкестендіру» және «Гидробиологиялық сынамаларды өңдеу әдістемесі және Сынақ орталығының белгісі бар хаттамаларды ресімдеу» тақырыптарында төрт күндік гидробиологиялық семинар (22-25 сәуір) аяқталды.

Семинар барысында қойылған мақсаттар мен міндеттер орындалды. Гидробиологиялық зерттеу әдістері біріздендірілді. Семинар қатысушыларына сертификаттар табысталды.

«Балық шаруашылығы ғылыми өндірістік орталығы» ЖШС ағымдағы жылы балық ресурстары бөлігінде Батыс Қазақстан өңірінің табиғи-шаруашылық жүйелерін дамытудың негізгі факторы ретінде Табиғи-ресурстық әлеуетті бағалау бойынша ғылыми зерттеулерді жалғастыруда (Атырау және Маңғыстау облыстарының).

«Балық шаруашылығы ғылыми өндірістік орталығы» ЖШС Атырау филиалының қызметкерлері Атырау облысының су қоймаларында мониторингтік зерттеулерді орындау кезеңіне кірісті.Қиғаш өзені бойындағы бақылау станцияларында 2025 жылғы 21–30 сәуір аралығында Атырау филиалының директоры Кадимов Е.Л., аға ғылыми қызметкер Өтеулиев Т.А., ғылыми қызметкер Кадимов Б.Л. және кіші ғылыми қызметкер Сүлейменов С.Б. құрамындағы экспедициялық топ гидрохимиялық, гидробиологиялық, ихтиологиялық үлгілерді зертханалық талдаулар үшін іріктеуді жүзеге асыруда, сондай-ақ зерттеу жүргізіліп жатқан ауданның метеорологиялық жағдайлары тіркелуде.

Сондай-ақ, ихтиологиялық зерттеулер шеңберінде мониторингтік станцияларда ғылыми-зерттеу аулау жүзеге асырылады.

Сыбайлас жемқорлық тәуекелдеріне ұшырайтын лауазымдардың реестрі

14-і мен 18-ші сәуір аралығында «Хамит» АӨК базасында кәсіпкерлер мен балық өсіруші-фермерлерге арналған «FISH SCHOOL» аквакультураны оқыту орталығында «Бағалы балық түрлерін өсіру технологиясы» тақырыбында ғылыми-тәжірибелік семинар өткізілді.

«Балық шаруашылығы ғылыми-өндірістік орталығы» ЖШС және «Хамит» АӨК арасында жасалған ынтымақтастық туралы меморандум шеңберінде семинарды «БШҒӨО» ЖШС-сі аквакультура зертханасының ғылыми қызметкері А. У. Умиртаева жүргізді.

Семинар барысында тыңдаушылар Қазақстанның балық өсіру шаруашылықтары жағдайында бағалы балық түрлерін өсірудің дәстүрлі технологияларымен, перспективалы аквакультура объектілерін өсірудің инновациялық технологияларымен, сондай-ақ ҚР балық саласында шағын және орта бизнесті дамыту үшін мемлекеттік қолдау шараларымен танысты.

Сондай-ақ, бизнес-жоспарларды дайындауда оқытылады. Тәжірибелік сабақтар «Хамит» АӨК тоған шаруашылығында, «Vita» ЖШС тор шарбақты шаруашылығында, «Сұлтан» көл-тауар балық шаруашылығы шаруашылығында, «Бәйтерек» ЖК бассейн шаруашылығында және «Хамит» АӨК балық өңдеу зауытында өтілді.

Астана қаласында өтіп жатқан халықаралық ғылыми-тәжірибелік конференцияның екінші күнінде «Балық шаруашылығы ғылыми өндірістік орталығы», Аквакультура зертханасының ғылыми қызметкері Өміртаева Арайлым Үсенқызы «Жасанды көбейту кезінде марқакөл леногының шабақтарын өсіру биотехникасы» тақырыбында баяндама жасады.

Сонымен қатар, «Балық шаруашылығы ғылыми өндірістік орталығы», Батыс Қазақстан филиалының кешенді зертхана меңгерушісі Ким Аркадий Игнатьевич  «Балық өсіру торларынан суқойманың ластануының алдын алу» табырыбында баяндама жасады.

«Конференцияны «Ailand» океанариумы (ЖШС «Ailand Astana») ұйымдастырып, офлайн/онлайн аралас форматта өткізуде.

Конференцияның екінші күнінің бағдарламасында Аквариумистика секциясында баяндамалар тыңдалды.

Аквакультура зертханасының бас бөлімшесінің қызметкерлері «Қазақстанның әртүрлі аймақтарының табиғи-климаттық жағдайларында экономикалық тиімді бағалы балық түрлерін өсірудің инновациялық технологиялары мен жаңа аквакультура объектілерін әзірлеу және енгізу» ҒТБ бағдарламасы бойынша «Бағалы балық түрлерін өсірудің аралас технологияларын әзірлеу және енгізу» жобасы шеңберіндегі ҒЗЖ жұмыстарын жалғастыруда.   

Алматы облысындағы «Ақ Балық» ЖК балық өсіру шаруашылығында бассейн және қақпа әдістерімен өсірілетін форель материалына бақылау өлшеулері мен өлшемдер жүргізу, орташа салмақты, тәуліктік орташа өсімді анықтау және тәуліктік азықтандыру рационын есептеу жүргізілуде.

Бүгін, 11.04.2025 ж., Қазақстан Республикасы Президентінің жанындағы Қазақстан Республикасының Ұлттық ғылым академиясында Қазақстандағы ғылым қызметкерлерінің күніне арналған салтанатты іс-шара өткізілді.

Іс-шара Қазақстан Республикасының барша ғылыми қауымының қатысуымен және ауқымды ғылыми көрмемен өтті.

Аталған іс-шараға «Балық шаруашылығы ғылыми-өндірістік орталығы» тарапынан:

• биология ғылымдарының докторы, профессор, бас директордың орынбасары Асылбекова С.Ж.
• ақпараттық-инновациялық болім жетекшісі, PhD Болатбекова З.Т. қатысты.

26 наурыздан бастап қазіргі уақытта «БШ ҒӨО» ЖШС-і мамандарымен (экспедициялық отряд жетекшісі – Минат А., экспедициялық отряд жетекшісі – Қарлыбайұлы С., ғылыми қызметкер – Пангереев Б.С., кіші ғылыми қызметкер – Өтеген С.А., кіші ғылыми қызметкер — Маратұлы Қ. және зертханашы – Абишев Н.Б.) 021 (бағд.тарм. 100) және 267 (бағд.тарм.101) бағдарламалар бойынша Жамбыл облысының жергілікті маңызы бар су айдындарында кешенді ғылыми-зерттеу жұмыстары жүргізілуде.

Жұмыстың мақсаты – Жамбыл облысының жергілікті маңызы бар суқойма акваториясы бойынша балық және өзге де су биологиялық қорларының таралуы мен кәсіптік қорларының жағдайын бағалау үшін зерттеу жүргізу.

Қазіргі таңда экспедициялық отряд төмендегідей кешенді (гидрохимиялық, гидробиологиялық, ихтиологиялық) ғылыми-зерттеу жұмыстарын жүргізуде:

— суайдындардың физико-географиялық және гидрологиялық сипаттамасы;

— гидрохимиялық режимді талдау;

— суайдындардың қоректік қорының жағдайын талдау;

— суқоймалардағы балықтарың түрлік құрамын анықтау.