2026 жылғы 12 мамырдан бастап қазіргі уақытқа дейін экспедициялық жасақ құрамында экспедициялық отрядтың жетекшісі С.Ж. Макамбетов, ихтиология зертханасының меңгерушісі Е.Т. Сансызбаев, ғылыми қызметкерлер Б.С. Пангереев пен Л.А. Жданко, әкімшілік-шаруашылық бөлімінің меңгерушісі Е.Ж. Кошербаев, сондай-ақ жүргізушілер Н.К. Сахарин және А.Ж. Сазанбаев 021 бюджеттік бағдарламасы (100 бағдарламалық тармақ) және 267 бюджеттік бағдарламасы (101 бағдарламалық тармақ) аясында Қапшағай су қоймасы мен Іле өзенінде ғылыми-зерттеу жұмыстарын жүргізуде.

Жұмыстың мақсаты – Қапшағай суқоймасында, құярлық аймақта, Іле өзенінде (жоғары ағысы) балық ресурстары мен өзге де су жануарларының рұқсат етілетін шектеулі ауланатын мөлшерін есептеу және кәсіпті тиімді жүргізу жөнінде ұсыныстар беру үшін басты кәсіптік балық түрлерінің популяцияларының қазіргі кездегі жағдайын бағалау, сонымен қатар, биологиялық әртүрлілік динамикасын талдау және оны сақтау жөніндегі шараларды әзірлеу.

Қазіргі таңда экспедициялық отряд төмендегідей кешенді (гидрохимиялық, гидробиологиялық, ихтиологиялық) ғылыми-зерттеу жұмыстарын жүргізуде:
– Мониторингтік станциялардан гидробиологиялық, гидрохимиялық және ихтиологиялық сынамалар алынуды.
– Балық популяцияларының биологиялық көрсеткіштерін талдау, оның ішінде өлшемдік-салмақтық сипаттамаларын, сондай-ақ жынысы мен жетілу сатысын анықтау;
– Қапшағай су қоймасы мен Іле өзеніндегі негізгі кәсіптік балық түрлерінің тұқымдылығын анықтау үшін сынамалар алу;
– Алдын ала белгіленген нүктелерде эхолоттық түсірілім жүргізу және зерттеу аймағындағы кәсіптік жағдайды талдау;
Қапшағай суқоймасында ғылыми-зерттеу жұмыстарын жүргізу кезеңінде Балқаш-Алакөл облысаралық бассейндік балық шаруашылығы инспекциясы (БАОББШИ) Қапшағай балық инспекциясы бөлімінің бас маманы Советхан Ш.С. қатысуда.

 Кешенді зерттеу жұмыстары 2026 жылдың 13 маусымына дейін жалғасады.

2026 жылғы 8 мамырдан бастап қазіргі уақытқа дейін экспедициялық жасақ құрамында экспедициялық отрядтың жетекшісі С. Қарлыбайұлы, ғылыми қызметкер Д.С. Бектуров, ғылыми қызметкер м.а. Р. Игилик, кіші ғылыми қызметкер С.А. Өтеген және лаборант-жүргізуші Н.Б. Абишев 021 бюджеттік бағдарламасы (100 бағдарламалық тармақ) және 267 бюджеттік бағдарламасы (101 бағдарламалық тармақ) аясында Алакөл көлдер жүйесінде ғылыми-зерттеу жұмыстарын жүргізуде.

Жұмыстың мақсаты – Алакөл көлдер жүйесінде балық ресурстары мен өзге де су жануарларының рұқсат етілетін шектеулі ауланатын мөлшерін есептеу және кәсіпті тиімді жүргізу жөнінде ұсыныстар беру үшін басты кәсіптік балық түрлерінің популяцияларының қазіргі кездегі жағдайын бағалау, сонымен қатар, биологиялық әртүрлілік динамикасын талдау және оны сақтау жөніндегі шараларды әзірлеу.

Қазіргі таңда экспедициялық отряд төмендегідей кешенді (гидрохимиялық, гидробиологиялық, ихтиологиялық) ғылыми-зерттеу жұмыстарын жүргізуде:
– Мониторингтік станциялардан гидробиологиялық, гидрохимиялық және ихтиологиялық сынамалар алынуды.
– Балық популяцияларының биологиялық көрсеткіштерін талдау, оның ішінде өлшемдік-салмақтық сипаттамаларын, сондай-ақ жынысы мен жетілу сатысын анықтау;
– Алакөл көлдер жүйесінде негізгі кәсіптік балық түрлерінің тұқымдылығын анықтау үшін сынамалар алу;
– Алдын ала белгіленген нүктелерде эхолоттық түсірілім жүргізу және зерттеу аймағындағы кәсіптік жағдайды талдау;

Алакөл көлдер жүйесінде ғылыми-зерттеу жұмыстарын жүргізу кезеңінде Балқаш-Алакөл облысаралық бассейндік балық шаруашылығы инспекциясы (БАОББШИ) Алакөл балық инспекциясы бөлімінің бас маманы Куленова Ш.Б. қатысуда. Кешенді зерттеу жұмыстары 2026 жылдың 16 маусымына дейін жалғасады.

2026 жылғы 19-31 мамыр аралығында «Балық шаруашылығы ғылыми-өндірістік орталығы» ЖШС қызметкерлері «Магистральдық су құбыры» ЖШС-мен жасалған келісімшарт аясында трансшекаралық Қиғаш өзенінде кешенді ғылыми-зерттеу жұмыстарын жүргізуге кірісті. Зерттеу тақырыбы: «Астрахань–Маңғышлақ» магистральдық су құбырының «Қиғаш» бас су айдау сорғы станциясының су тарту құрылысының шаруашылық қызметі нәтижесінде Қиғаш өзенінің балық ресурстары мен басқа да су жануарларына келтірілетін залалдың өтемақы мөлшерін бағалау (есептеу), сондай-ақ балық қорғау құрылғысының тиімділігін анықтау».

Маусымдық мониторинг аясында «БШҒӨО» ЖШС бас бөлімшесінің ғалыми қызметкерлер Асылбекова С.Ж., сондай-ақ Атырау филиалының мамандары Кадимов Б.Л., Сүлейменов С.Б. және Абдошова М.М. балық ресурстарының және олардың қоректік базасының, соның ішінде зоопланктон мен фитопланктонның жай-күйін бағалауға бағытталған гидробиологиялық сынамалар алуда. Сонымен қатар жұмыстар барысында су тарту құрылыстарында орнатылған балық қорғау құрылғыларының шабақтардың қырылуын болдырмау мақсатындағы тиімділігі зерттелуде.

Қиғаш өзені трансшекаралық су нысаны болып табылады. Жүйелі ғылыми бағалау осы стратегиялық маңызы бар өңірдегі биоалуантүрлілікті сақтау, балықтардың көші-қон жолдарын және олардың табиғи көбею жағдайларын қорғау бойынша тиімді шараларды әзірлеуге мүмкіндік береді.

2026 жылғы 13 мамырда Қазақ ұлттық аграрлық зерттеу университетінде «Орман шаруашылығы және жер ресурстары» факультетінің ұйымдастыруымен түлектерге арналған дәстүрлі «Бос жұмыс орындары жәрмеңкесі» өтті. Іс-шараның басты мақсаты – студенттер мен жұмыс берушілер арасындағы байланысты нығайту, жас мамандарды еңбек нарығына бейімдеу және олардың кәсіби даму мүмкіндіктерін кеңейту болды. Жәрмеңкеге еліміздің түрлі салаларындағы жетекші компаниялар мен ұйымдар қатысып, студенттерге бос жұмыс орындары, өндірістік тәжірибе, тағылымдамадан өту және мансаптық өсу бағыттары бойынша толық ақпарат ұсынды. «Балық шаруашылығы ғылыми-өндірістік орталығы» ЖШС атынан Инновациялар және өндірістік қызмет жөніндегі бас директордың орынбасары, PhD Баракбаев Тынысбек Темирханович қатысып, баяндама жасады. Іс-шара барысында студенттер жұмыс берушілермен тікелей кездесіп, өздерін қызықтырған сұрақтарға жауап алды. Ал компания өкілдері болашақ мамандардың кәсіби дайындық деңгейімен танысып, әлеуетті қызметкерлерді іріктеу мүмкіндігіне ие болды. Жәрмеңке аясында ашық диалог алаңы қалыптасып, бірқатар студенттер тәжірибеден өту және жұмысқа орналасу бойынша алдын ала ұсыныстар алды.

2026 жылы 5 — 6 мамырда Қазақстан Республикасы Президенті жанындағы Ұлттық ғылым академиясы президиумның Қызылорда облысындағы «Қуатты өңірлік ғылым – қуатты өңір» тақырыбындағы көшпелі отырысы жүргізілді.
Жиын барысында Қызылорда облысы әкімінің орынбасары Д.Е. Жаналиновтың төрағалығымен облыстың әртүрлі салалары бойынша баяндамалар жасалды. Аталған шарада «БШҒӨО» ЖШС инновациялар және өндірістік қызмет жөніндегі бас директордың орынбасары, PhD Барақбаев Тынысбек Темірханұлы «Арал–Сырдария бассейні негізінде Қызылорда облысында тауарлы балық өсіру технологияларын жетілдірудің ғылыми-техникалық негіздерін қалыптастыру» тақырыбында баяндама жасады. Баяндама барысында өңірдегі аквакультураны дамытудағы ғылыми орталық тарапынан атқарылып жатқан жұмыстар, саладағы өзекті мәселелер мен оларды шешу жолдары бойынша ұсыныстар баяндалды.

2025 жылғы 10 қарашада «Балық шаруашылығы ғылыми-өндірістік орталығы» ЖШС Aller Aqua Group (Дания) және Aller Aqua Polska (Польша) халықаралық компанияларының өкілдерімен «Aller Aqua» балық жемін өндіретін зауытты Қазақстан Республикасында салу мәселесі бойынша жұмыс кездесуі өтті.

Делегация құрамында келді:

• Андэрс Бюллинг — Aller Aqua Group компаниясының Бас директоры (Дания);
• Яцек Юхневич — Aller Aqua Polska компаниясының Бас директоры (Польша);
• Марчин Вальчак — Aller Aqua Polska компаниясының экспорт жөніндегі директоры (Польша).

Кездесуге қатысқандар:

• Тұрсынәлі Марлен Тұрсынәліұлы — «TMT Group» ЖШС басшысы;
• Медведев Сергей Николаевич — «Гранд Фиш» ЖШС басшысы;
• Асанов Вячеслав Борисович — «Шығыс Универсал» ЖШС басшысы.

«Балық шаруашылығы ғылыми-өндірістік орталығы» ЖШС Бас директорының орынбасары Ахметжанов Д.С. құттықтау сөз сөйлеп, балық шаруашылығын дамытудағы ынтымақтастықтың маңыздылығын атап өтті.

Орталықтың қызметі мен ағымдағы жобалары туралы ғылым жөніндегі бөлім басшысының орынбасары, биология ғылымдарының докторы, профессор Асылбекова С.Ж., баяндама жасады.

Кездесу барысында тараптар балық шаруашылығы саласындағы әріптестік, акваөсіруді дамыту, озық технологияларды енгізу және тәжірибе алмасу мәселелерін талқылады. Презентациядан кейін өзекті тақырыптар бойынша пікір алмасып, бірлескен жұмыстың келешегі қарастырылды.

2025 жылғы 19 тамызда Қазақстан мен Иордания арасында онлайн-форматта IV Іскерлік кеңестің отырысы өтті. Кездесу барысында фармацевтика, сауда және логистика, ауыл шаруашылығы және туризм сияқты негізгі салалардағы екіжақты ынтымақтастықтың келешегі талқыланды.

«Қазақстандағы балық шаруашылығы мен аквакультураны шолу: ағымдағы мәртебе және болашақ» тақырыбында аквамәдениет зертханасының аға ғылыми қызметкері Р.Т. Бараков баяндама жасады. өз сөзінде ол ғылымның саланы дамытудың стратегиялық драйвері ретіндегі рөлін атап өтіп, бизнес өкілдерімен бірлесіп іске асырылатын қолданбалы зерттеулер мен жобалардың маңыздылығын атап өтті.

Жаһандық сын — қатерлерді-азық-түлік қауіпсіздігін, су ресурстарының тапшылығын және климаттың өзгеруінің салдарын шешуде Қазақстан мен Иорданияның ғылымы мен бизнесін интеграциялау мәселелеріне ерекше назар аударылды.

Кеңес әріптестік байланыстарды нығайтуға және тұрақты дамуға бағытталған бірлескен шешімдерді әзірлеуге арналған алаңға айналды.

Қазақстан Республикасының Ауыл шаруашылығы министрлігі Балық шаруашылығы комитетінің төрағасы С. Сермағамбетовтың бұйрығымен «Балық шаруашылығы ғылыми-өндірістік орталығы» ЖШС-нің басшысы қызметіне Суюбаев Алмат Сағынтайұлы тағайындалды.

Алмат Сағынтайұлы 1975 жылы дүниеге келген. Еңбек жолын 1997 жылы Каспий және өңірлік қарым-қатынас мәселелері жөніндегі бөлімнің референті, ҚР Сыртқы істер министрлігі Көп жақты ынтымақтастық департаментінде бастаған.

1997-2003 жылдары ҚР Сыртқы істер министрлігінде референт қызметінен бірінші хатшы қызметіне дейін;

2003-2012 жылдары ҚР Түркия, Түркменстан Республикасыдағы Елшіліктерінде және Женева қаласында хатшы қызметтерін атқарған;

2012-2016 жылдары ҚР Стамбул қаласындағы бас консулдығының кеңесшісі;

2017-2019 жылдары Сарыағаш ауданы әкімінің орынбасары;

2020-2021 жылдары ҚР ЭГТРМ Орман шаруашылығы және жануарлар дүниесі комитеті Түркістан және Алматы облыстарының орман шаруашылығы және жануарлар дүниесі аумақтық инспекция басшысының орынбасары және басшысы;

2021-2025 жылдары ҚР АШМ Балқаш-Алакөл облысаралық бассейндік балық шаруашылығы инспекциясының басшысы қызметін абыроймен атқарды.

Бас директорға жаңа қызметінде толағай табыс тілейміз!