Жас ғалымдарды қолдау және олардың кәсіби тұрғыда дамуына жағдай жасау — Қазақстан Республикасының мемлекеттік саясатының маңызды бағыттарының бірі.

Қазақстан Республикасы Ұлттық ғылым академиясының 80 жылдығына арналған іс-шаралар және Қазақстан Республикасының Президенті Қасым-Жомарт Тоқаевтың тапсырмасын іске асыру аясында маңызды оқиға орын алды.

Жас мамандарды тұрғын үймен қамтамасыз ету — маңызды әлеуметтік мәселені шешу ғана емес, сонымен қатар Қазақстан ғылымының болашағына қосылған үлес. Мұндай қолдау шаралары кадрлық әлеуетті нығайтуға, болашағынан үміт күттіретін зерттеушілерді қолдауға және ғылыми қызметтің дамуына қолайлы жағдай жасауға бағытталған.

Жас ғалымдардың әлеуметтік қажеттіліктеріне ерекше көңіл бөлу тұрақты ғылыми қауымдастықты қалыптастыруға, білікті кадрларды сақтап қалуға және мамандарды ғылыми зерттеулер мен кәсіби өсуге ынталандыруға мүмкіндік береді.

Айткалиева Айгерімнің пәтер алуы — оның әлеуметтік тұрақтылығын қамтамасыз етуге және одан әрі кәсіби дамуына жаңа мүмкіндіктер ашатын маңызды оқиға.

Балық шаруашылығы ғылыми-өндірістік орталығының ұжымы Айткалиева Айгерімді осы қуанышты оқиғамен құттықтап, жаңа қонысына құт-береке, шаңырағына шаттық пен жылулық, жұмысына табыс және Қазақстан ғылымының дамуына қосар үлесі жолында жаңа жетістіктер тілейді!