«Балық шаруашылығы ҒӨО» ЖШС қызметкерлері ғылыми зерттеулерді жалғастыруда

Ағымдағы жылы «Балық шаруашылығы ҒӨО» ЖШС қызметкерлері «Батыс Қазақстан өңірінің (Маңғыстау, Атырау, Батыс Қазақстан және Ақтөбе) табиғи-шаруашылық және әлеуметтік-экономикалық жүйелерінің орнықты дамуын қамтамасыз ету жөніндегі кешенді зерттеулер» ғылыми-техникалық бағдарламасының «Батыс Қазақстан өңірінің табиғи-шаруашылық жүйелерін дамытудың негізгі факторы (блок: балық ресурстары) ретінде табиғи-ресурстық әлеуетті бағалау «жасыл өсу» контексінде» тақырып бойынша ғылыми зерттеулерді жалғастыруда.

Жайық, Қиғаш өзендерінде және Каспий теңізінде зертханалық талдаулар үшін ғылыми-зерттеу аулау, гидрохимиялық, гидробиологиялық, ихтиологиялық және токсикологиялық сынамалар жинау жүзеге асырылады, сондай-ақ зерттеу ауданының гидрометеорологиялық жағдайлары белгіленеді.

Зерттеулерге «Балық шаруашылығы ҒӨО» ЖШС Атырау филиалының директоры Кадимов Е.Л., аға ғылыми қызметкер Өтеулиев Т.А., ғылыми қызметкер Кадимов Б.Л. және кіші ғылыми қызметкер Сүлейменов С.Б. қатысады.
Сондай-ақ ихтиологиялық зерттеулер шеңберінде көрсетілген су айдындарында ғылыми-зерттеу аулау жүзеге асырылады.