«Балық шаруашылығы ғылыми өндірістік орталығы» ЖШС-ның 2025 жылдың 11 ақпанында шыққан № 6-К бұйрығына сәйкес, Ихтология зертханасының меңгерушісі – Сансызбаев Е.Т., экспедициялық отряд жетекшісі – Минат А., экспедициялық отряд жетекшісі – Қарлыбайұлы С., ғылыми қызметкер м.а. – Игілік Р., аға зертханашы – Жазықбаев Н.М., жүргізуші – Абишев Н.Б., қатарлы қызметкерлерден құралған экспедициялық отряд — 021 «Балқаш-Алакөл бассейніндегі халықаралық, республикалық және ЕҚТА орналасқан балық шаруашылығы су айдындарын сонымен қатар жергілікті маңызы бар су айдындарының балық қорының жағдайын бағалау және/немесе олардың телімдерінде балық өнімділігін анықтау, балық және басқа да су жануарларының шекті аулау мөлшері бойынша және балық аулау ережесі мен тәртібін реттеу жөнінде биологиялық негіздемелер әзірлеу». Бөлім: Алакөл көлдер жүйесі және «Су биологиялық ресурстарын олардың әлеуетін бағалау және қорлар динамикасын модельдеу негізінде сақтау және орнықты пайдалану үшін су айдындарын кешенді зерттеу» бағдарлы қаржыландыру жобасы бойынша Алакөл көлдер жүйесінде қысқы ғылыми зерттеу жұмыстарын жүргізіп жатыр.

Су айдындарындағы ғылыми-зерттеу жұмыстарына Алакөл балық инспекциясы бөлімінің бас маманы Ш. Куленова қатысуда.

Іссапар барысында мониторингтік нүктелер бойынша ихтиологиялық, гидробиологиялық және гидрологиялық материалдар мен сынамалар жиналды, эхолод арқылы балықтың қыстау орындарын бақылау жұмыстары жасалды және кәсіптік балықшылар ауларын бақылап, талдау жұмыстары жасалынып жатыр.

Кешенді зерттеу жұмыстары 2025 жылдың 09 наурызына дейін жалғасатын болады.