Жаңалықтар

Мемлекеттік марапат: Асылбекова Сәуле Жәңгірқызы «Құрмет» орденімен марапатталды

by Miras
Асылбекова Сауле Жангирқызы Қазақстан Республикасының мемлекеттік наградасы – «Құрмет» орденімен марапатталды. Бұл жоғары марапат отандық ғылымды, балық шаруашылығын және аквакультураны дамытуға қосқан елеулі үлесі, сондай-ақ ұзақ жылдар бойғы нәтижелі ғылыми және қоғамдық қызметі үшін берілді.
 
Сауле Жангирқызы – Қазақстанда «Балық шаруашылығы және аквакультура» мамандығы бойынша биология ғылымдарының докторы ғылыми дәрежесін алған алғашқы және бүгінгі күнге дейінгі жалғыз ғалым. Бұл факт оның ғылыми өмірбаянын отандық балық шаруашылығы ғылымы үшін шын мәнінде бірегей етеді.
 
Көптеген жылдар бойы С.Ж. Асылбекованың ғылыми және практикалық қызметі саланың стратегиялық маңызды міндеттерін шешумен тығыз байланысты. Атап айтқанда, балық ресурстарын сақтау және көбейту, ғылыми негізделген аквакультура жүйесін дамыту, сондай-ақ өндірістік тәжірибеге заманауи технологияларды енгізу бағыттарында ауқымды жұмыстар жүргізілуде. Оның ғылыми жетекшілігімен Қазақстандағы аквакультураның тұрақты дамуы үшін маңызды мәнге ие бағдарламалық-нысаналы қаржыландырудың ірі жобалары жүзеге асырылуда. Сонымен қатар ол гранттық жобаларды және ғылыми зерттеулер нәтижелерін коммерцияландыру жобаларын табысты басқарып келеді.
 
Сауле Жангирқызы оннан аса PhD доктаранттар мен магистранттардың ғылыми жетекшісі болып табылады және ғылыми кадрларды даярлауға үлкен үлес қосып келеді. Ол балық шаруашылығы мен аквакультура саласында 400-ден астам ғылыми еңбектің, сегіз монография мен оқулықтың, сондай-ақ Қазақстан Республикасының 70-тен астам патентінің авторы және тең авторы. Оның ғылыми әзірлемелері ғылымда, білім беру саласында және өндірістік тәжірибеде кеңінен қолданылуда.
 
«Құрмет» орденімен марапатталуы – ғалымның көпжылдық еңбегінің, көрнекті ғылыми жетістіктерінің және Қазақстандағы балық шаруашылығы мен аквакультураны дамытуға қосқан зор үлесінің лайықты бағалануы болып табылады. Асылбекова Сауле Жангирқызының ғылыми өмірбаяны кәсіби көшбасшылықтың, ғылымға адалдықтың және елдің ұлттық мүдделеріне қызмет етудің жарқын үлгісі болып саналады.
 

Людмила Ивановна Шарапованың зейнетке шығуы туралы

by Miras
«БШ ҒӨО» жауапкершілігі шектеулі серіктестігінің ұжымы шынайы алғысын білдіреді және Людмила Ивановна Шарапованы лайықты зейнеткерлікке шығуымен құттықтайды, бұл оның көп жылғы кәсіби жұмысын қорытындылайтын маңызды кезең.
 
Людмила Ивановна көп жылдарды ғылыми зерттеулерді ілгерілетуге, мықты кәсіби ұжым құруға, гидробиология саласындағы ғылыми мектепті нығайтуға арнады. Оның жетекшілігімен жоғары білікті мамандар дайындалды, олар бүгінде табысты еңбек етіп, қалыптасқан дәстүрді жалғастырып, балық шаруашылығы ғылымына абыроймен таныстырып келеді.
 
Гранттық жобаларды жүзеге асыруға айтарлықтай үлес қосылды, оның нәтижелері практикалық және ғылыми жұмыстарда белсенді түрде қолданылатын әдістемелік нұсқауларда көрініс тапты. Бұл жүргізілген зерттеудің жоғары практикалық құндылығын және оның кәсіби қоғамдастық үшін өзектілігін растайды.
 
Людмила Ивановнаның кәсіби біліктілігі, өз ісіне деген адалдығы, әріптестері мен шәкірттеріне деген ілтипатпен қарауы үлкен құрмет пен алғысқа бөленді.
 
«БШ ҒӨО» жауапкершілігі шектеулі серіктестігінің ұжымы көп жылғы адал еңбегі мен саланың дамуына қосқан қомақты үлесі үшін ризашылығын білдіріп, зор денсаулық, амандық, жылулық және өміріңізде жаңа қуанышты оқиғаларды тілейді.
 

Аквакультура объектілері үшін қорек субсидияларының шекті нормативтері бекітілді

by Miras
Аквакультура өнімінің өнімділігін және сапасын арттыруды, сондай-ақ асыл тұқымды балық шаруашылығын дамытуды субсидиялау қағидаларына сәйкес, ҚР АШМ 2025 жылғы 1 қарашадағы № 412 бұйрығымен бекітілген, аквакультура объектілеріне арналған азыққа берілетін субсидиялардың ең жоғары рұқсат етілген мөлшерлері белгіленді.
 
Қағидаға сәйкес, 1 килограмм азыққа берілетін субсидияның шекті мөлшері:
— албырт тұқымдастар және олардың будандары үшін — 330 теңгеден;
— бекіре тұқымдастар және олардың будандары үшін — 330 теңгеден;
 
— тұқы тұқымдастар және олардың будандары үшін:
түйіршіктелген азық — 105 теңгеге дейін;
экструдталған азық — 250 теңгеге дейін;
 
— жайын тұқымдастар және олардың будандары үшін — 210 теңгеге дейін;
— цихлид тұқымдастар және олардың будандары үшін — 210 теңгеге дейін;
— лат тұқымдастар және олардың будандары үшін — 210 теңгеге дейін;
— араван тұқымдастар және олардың будандары үшін — 285 теңгеге дейін;
— шаянтәрізділер үшін — 228 теңгеге дейін.
 
Қабылданған нормалар балық өсіру шаруашылықтарының шығындарын азайтуға, заманауи азықтарды енгізуді ынталандыруға және отандық аквакультура өнімінің бәсекеге қабілеттілігін арттыруға бағытталған.
 
Аталған мемлекеттік қолдау шараларын іске асыру саланың тұрақты дамуын қамтамасыз етуге, өндіріс көлемін ұлғайтуға және шығарылатын өнімнің сапасын арттыруға мүмкіндік береді.
 

 

«Балық шаруашылығы ғылыми-өндірістік орталығының» сарапшысы @qyzyljartv арнасына сұхбат берді

by Miras

«Балық шаруашылығы ғылыми-өндірістік орталығы» ЖШС гидроаналитика зертханасының ғылыми қызметкері Мұқатай А.А. @qyzyljartv каналына сұхбаты

 

 

«Гидрохимиялық зерттеулердің заманауи әдістері» тақырыбындандағы семинар

by Miras
26 ақпан 2026 жылы «БШ ҒӨО» ЖШС бас бөлімшесінің гидроаналитика зертханасының қызметкерлері Қазақ ұлттық аграрлық зерттеу университеті 2 және 3 курс студенттері үшін ашық есік күнін ұйымдастырды. Қатысушыларға «Гидрохимиялық зерттеулердің заманауи әдістері» тақырыбында офлайн форматта ғылыми-ақпараттық семинар өткізілді.
Семинар ұйымдастырушылары:
Долгополова С.Ю. – гидроаналитика зертханасының меңгерушісі,
Мукатай А.А. – ғылыми қызметкер,
Бектуров Д.С. – ғылыми қызметкер.
Семинардың мақсаты — орталығымыздың ғылыми қызметімен таныстыру және гидроаналитика зертханасының теориялық және практикалық зерттеу әдістерін көрсету.
Семинардың негізгі мәселелері:
• Далалық және зертханалық жағдайларда гидрохимиялық зерттеулер жүргізу әдістері;
• Титриметриялық және спектрофотометриялық әдістер арқылы зертханалық зерттеулер жүргізу бойынша практикалық сабақ.
Семинар аяқталғаннан кейін қатысушылар тарапынан бірқатар сұрақтар қойылып, студенттермен пікірталас өткізілді, гидрохимиялық зертханалық зерттеулердің базалық дағдылары қалыптастырылды. Қатысушылар алдағы уақытта ынтымақтастықты жалғастыруға қызығушылық білдірді.
 

Балық шаруашылығы саласын цифровизациялау

by Miras

Балық саласын eFish жүйесі арқылы цифрландыру табиғи ресурстардың сақталуын қамтамасыз етеді, процестердің ашықтығын арттырады және нарықтың барлық қатысушыларының жауапкершілігін күшейтеді.

eFish — Қазақстанның балық шаруашылығының тұрақты болашағына жасаған қадамы.

Балық шаруашылығына арналған мемлекеттік қолдау

by Miras

Балық өсіру саласында қызмет атқаратын кәсіпкерлердің назарына төмендегіні хабарлаймыз.
2026 жылы Аквашаруашылық өнімінің өнімділігі мен сапасын арттыруды, сондай-ақ асыл тұқымды балық өсіруді дамытуды субсидиялауға жергілікті бюджеттен 1,9 млрд теңге қарастырылған және де, Аквашаруашылық саласындағы инвестициялық салымдар бойынша шығындардың бір бөлігін өтеу бойынша субсидиялауға жалпы сипаттағы трансферттер есебінен 3,4 млрд теңге көзделгенін атап өтеміз.
Сондай-ақ, ағымдағы жылы агроөнеркәсіптік кешен субъектілерін кредиттеу кезінде сыйақы мөлшерлемелерін субсидиялауға, сондай-ақ техника мен жабдықтарды сатып алуға арналған лизинг бойынша жалпы сипаттағы трансферттер есебінен 1,0 млрд теңге қарастырылған.
Осылайша, бүгінгі таңда балық шаруашылығы мен аквашаруашылық субъектілері үшін елеулі мемлекеттік қолдау шаралары қарастырылуда

Қапшағай суқоймасында жүргізіліп жатқан қыстық ғылыми-зерттеу жұмыстары

by Miras
«Балық шаруашылығы ғылыми-өндірістік орталығы» ЖШС-нің 2026 жылғы 06 ақпандағы № 8-К бұйрығына сәйкес, 10 ақпаннан бастап қазіргі уақытқа дейін экспедициялық жасақ құрамында: зертхана меңгерушісі Сансызбаев Е.Т., экспедициялық отрядтың жетекшісі Макамбетов С.Ж., ғылыми қызметкерлер Пангереев Б.С. және Бектуров Д.С., әкімшілік-шаруашылық бөлімінің менеджері Кошербаев Е.Ж., сондай-ақ зертханашы Сахарин Н.К. 021 бағдарламасы (100 кіші бағдарламасы) аясында Қапшағай су қоймасында қысқы кешенді ғылыми-зерттеу жұмыстарын жүргізуде.
* Қапшағай суқоймасында ғылыми-зерттеу жұмыстарын жүргізу кезеңінде Балқаш-Алакөл облысаралық бассейндік балық шаруашылығы инспекциясы (БАОББШИ) Қапшағай балық инспекциясы бөлімінің бас маманы Советхан Ш.С. қатысуда.
* Іс-сапар барысында мониторингтік нүктелер бойынша ихтиологиялық, гидробиологиялық және гидрохимиялық материалдар мен сынамалар жиналуда, эхолот арқылы балықтың қыстау орындарын және кәсіптік тұрғыдан балық аулайтын балықшылар ауларын бақылау мен талдау жұмыстары жүргізіліп жатыр.
* Кешенді зерттеу жұмыстары 2026 жылдың 23 ақпанына жейін жалғасатын болады.
 
 
 
 

PhD диссертациясын сәтті қорғау

by Miras
«Балық шаруашылығы ғылыми өндірістік орталығы» ЖШС ұжымы Батыс Қазақстан филиалының аға ғылыми қызметкері, Тулеуов Асылан Мұхамбетұлы 6D120200 — Ветеринариялық санитария мамандығы бойынша «Батыс Қазақстан облысының су айдындарындағы ұзынқысқышты өзен шаянының сапасы мен тағамдық қауіпсіздігіне ветеринариялық-санитариялық бағалау» тақырыбында философия докторы (PhD) дәрежесін алу үшін диссертациясын сәтті қорғауымен құттықтайды.
 
Диссертациялық жұмыс «Балық шаруашылығы ғылыми-өндірістік орталығы» ЖШС Батыс Қазақстан филиалының кешенді балық шаруашылығы зертханасында және Жәңгір-Хан атындағы Батыс Қазақстан аграрлық-техникалық университетінің Ветеринария және агротехнология институтының ихтиология және аквакультура зертханасында орындалды.
 
 

Алакөл көлдер жүйесінде (АКЖ) жүргізіліп жатқан ғылыми-зерттеу жұмыстары

by Miras
2026 жылғы 10 ақпаннан бастап қазіргі уақытқа дейін «Балық шаруашылығы ғылыми-өндірістік орталығы» ЖШС-нің қызметкерлері: экспедициялық отряд жетекшісі -Қарлыбайұлы С. және ғылыми қызметкер – Игілік Р., кіші ғылыми қызметкерлер – Өтеген С., Маратұлы Қ., зертханашы – Абишев Н. 021 бағдарлама (100 бағдарлама тармағы) және 267 БҚЖ бойынша Алакөл көлдер жүйесінде (АКЖ) қыстық кешенді ғылыми-зерттеу жұмыстарын жүргізуде.
• Алакөл көлдер жүйесінде (Алакөл, Қошқаркөл, Сасықкөл) ғылыми-зерттеу жұмыстарын жүргізу кезеңінде Балқаш-Алакөл облысаралық бассейндік балық шаруашылығы инспекциясы (БАОББШИ) Алакөл балық инспекциясы бөлімінің бас маманы Куленова Ш.Б. қатысуда.
• Іссапар барысында мониторингтік нүктелер бойынша ихтиологиялық, гидробиологиялық және гидрохимиялық материалдар мен сынамалар жиналуда, эхолот арқылы балықтың қыстау орындарын және кәсіптік тұрғыдан балық аулайтын балықшылар ауларын бақылау мен талдау жұмыстары жүргізіліп жатыр.
• Кешенді зерттеу жұмыстары 2026 жылдың 06 наурызына жейін жалғасатын болады.
 
 
Page 3 of 39
1 2 3 4 5 … 39