Бүгін, 07.10.2024, Бас бөлімшеде (Алматы қ.) 2024-2026 жылдарға арналған ғылыми-техникалық бағдарламалар аясындағы ғылыми-зерттеу жұмыстары бойынша есептерді қарау жөніндегі Ғылыми/Үйлестіру кеңесі өтуде. Кеңес оффлайн және онлайн форматтарда өтуде.

 Кеңес Қазақстан Республикасы ауыл шаруашылығы министрлігі Балық шаруашылығы комитеті төрағасының орынбасары А.Қ. Бахияновтың тікелей қатысуымен, Балық шаруашылығы комитеті өкілдері: М.Қ. Қалмуратов, И.С. Махметов, А.Б. Жубаев, Б.Б. Дүйсенбай, Г.Ж. Байлинаның онлайн қатысуымен, сонымен қатар «Qazaq balyk» Республикалық балық шаруашылығы және акваөсіру қауымдастығы» ЗТБ басқарма төрағасы А.Ж. Рысбаевтың қатысуымен өтуде.

Күн тәртібінде:

— Тақырып бойынша ҒЗЖ туралы есептерді қарау: «Қазақстанның әртүрлі аймақтарының табиғи-климаттық жағдайларында инновациялық, экономикалық тиімді технологиялар мен жаңа аквакультура нысандарын әзірлеу және енгізу» (ЖТН: BR23591065) бағдарлама жетекшісі: б.ғ.д., профессор, ҚР ҰҒА академигі С.Ж. Асылбекова;

— Тақырып бойынша ҒЗЖ туралы есептерді қарау: «Су биологиялық ресурстарын сақтау және орнықты пайдалану үшін су айдындарының әлеуетін бағалау және қордың динамикасын модельдеу негізінде кешенді зерттеу» (ЖТН: BR23591095) бағдарлама жетекшісі: б.ғ.д., профессор, ҚР ҰҒА академигі Қ.Б. Исбеков.

 Ғылыми Кеңеспен мақұлдаған ҒЗЖ туралы есептерді «БШҒӨО» ЖШС бас директоры бекітеді және тапсырыс берушіге жолдайды.

Бүгін, 2024 жылдың 04 қазанында “Балық шаруашылығының ғылыми-өндірістік орталығы” ЖШС Бас бөлімінде “су биологиялық әртүрлілігін бағалау және сақтау және су айдындарының балық өнімділігін арттыру”тақырыбында онлайн-семинар өтті.

 Семинарда Қазақстанның су биоалуантүрлілігін сақтау және орнықты пайдалану бойынша “БШ ҒӨО” ЖШС бас директоры б.ғ. д., профессор, ҚР ҰҒА академигі К. Б. Исбеков баяндамалар жасады. Онлайн-семинарға әл-Фараби атындағы ҚазҰУ биоалуантүрлілік және биоресурстар кафедрасының доценті, б.ғ. к. Мамилов Н.Ш., “КАПЭ” ЖШС атқарушы директоры, б.ғ. к. Климов Ф. В., Зоология институтының биоценология және аң аулау зертханасының ағқ Линник А. С. қатысты.

Семинар 2024-2026 жылдарға арналған (ЖТН: BR23591095) «Судағы биологиялық ресурстар қорының динамикасын жобалау, әлеуетін бағалау негізінде оларды сақтау және тұрақты пайдалану мақсатында су айдындарын кешенді зерттеу» ғылыми-техникалық бағдарламасының “биологиялық әртүрлілікті талдау, бөгде түрлерді молекулалық-генетикалық сәйкестендіру және тұрақтылықты бағалау сыртқы әсерлерге арналған балық шаруашылығы су айдындарының гидробиоценоздары” міндеті шеңберінде ұйымдастырылды.

Бүгін, 2024 жылдың 27 қыркүйегінде «Балық шаруашылығы ғылыми-өндірістік орталығы» ЖШС бас бөлімшесінде «Балық кәсіпшілігі су айдындарының жыл сайынғы зерттеу түсірілімдерінің деректерін жинақтауға, Қазақстан Республикасының балық кәсіпшілігі су айдындарына мониторинг жасауға, әзірленген математикалық модель негізінде әртүрлі факторлардың әсерін ескере отырып, балық қорын бағалау бойынша есептеулер жүргізуге, сондай-ақ, әзірленген әдістемені пайдалана отырып шекті рұқсат етілетін аулаудың көлемін анықтауға арналған микросервистік архитектурадағы ақпараттық жүйенің прототипін таныстыру» тақырыбында онлайн-семинар өтуде.

Онлайн – семинардың спикері — «Фактор» жүйелік зерттеулер компаниясы» ЖШС-нің Бас директоры, ф.-м. ғ. к., доцент, Халықаралық Инженерлік академиясының корреспондент-мүшесі Габбасов Марс Беккалиевич.

Семинар 2024-2026 жылдарға арналған (ЖТН: BR23591095) «Судағы биологиялық ресурстар қорының динамикасын жобалау, әлеуетін бағалау негізінде оларды сақтау және тұрақты пайдалану мақсатында су айдындарын кешенді зерттеу» ғылыми-техникалық бағдарламасының «Балықтар санын есепке алу және шекті рұқсат етілетін аулауды есептеу бойынша отандық әдістемелік ұсыныстар әзірлеу және ішкі кәсіпшілік су айдындарындағы балықтар қоры жай-күйін жобалау арқылы кешенді бағдарлама жасау» міндеті шеңберінде ұйымдастырылды.

«БШҒӨО» ЖШС-де балықтардың жаппай бактериялық вирустық инфекциясы тақырыбында онлайн-семинар өтуде

Бүгін, 2024 жылы 25 қыркүйекте «Балық шаруашылығы ғылыми-өндірістік орталығы» ЖШС – ның  бас бөлімшесінде келесі тақырыпта онлайн-семинар өтуде: «Балықтың жаппай бактериялық вирустық инфекциясы. Клиникалық белгілері (зертханалық талдау үшін сынама алу әдістері)».

Онлайн-семинардың спикері «Микробиология және вирусология ғылыми-өндірістік орталығының» ғылыми қызметкері Сүлейменова Сымбат Амангелдіқызы.

Семинарға қатысушылардың басқа да сұрақтарына «Микробиология және вирусология» ҒӨО вирустар экологиясы зертханасының меңгерушісі, ветеринария ғылымдарының докторы, профессор Қыдырманов Айдын Исағалиұлы жауап берді.

 «Су биологиялық ресурстарын сақтау және орнықты пайдалану үшін олардың әлеуетін бағалау және қорлар динамикасын модельдеу негізінде су айдындарын кешенді зерттеу » (ЖРН: BR 23591095), тапсырма бойынша (жоба): «Қазақстанның негізгі балық кәсіпшілігі су айдындарындағы кәсіптік балық түрлерін ихтиопатологиялық зерттеу және балықтардың жұқпалы ауруларының жаппай таралу қаупін азайту жөніндегі кешенді іс-шараларды әзірлеу», тақырыбында 2024-2026 жылдарға арналған ғылыми-техникалық бағдарлама шеңберінде семинар ұйымдастырылды.

5 қыркүйектен бастап қазіргі уақытқа дейін «БШҒӨО» ЖШС қызметкерлерімен (экспедициялық жасақтың бастығы Макамбетов С.Ж., экспедициялық жасақтың бастығы Баққожа Ж.М., ғылыми қызметкерлер Пангереев Б.С., Игілік Р. және зертханашы Абишев Н.Б.) Іле өзені және Қапшағай суқоймасында бюджеттік бағдарламалар шеңберінде ғылыми-зерттеу жұмыстары жүргізілуде

— 021 ББ (БТ 100) Бөлім: Қапшағай суқоймасы және Іле өзені»;

— 267 ББ (БТ 101) «Су биологиялық ресурстарын олардың әлеуетін бағалау және қорлар динамикасын модельдеу негізінде сақтау және орнықты пайдалануын үшін су айдындарын кешенді зерттеу».

— ҒТП «Балқаш-Алакөл бассейнінің қуаң аймақтарындағы (аридті) жабайы жануарларының сақталуына және орнықты пайдалануына қауіп — қатерлерді бағалай отырып түгендеу».

Қазіргі уақытта экспедициялық жасақ келесі жұмыстарды жүргізуде:

— балықтың негізгі биологиялық көрсеткіштері — ихтиологиялық материалды жинау және талдау жүруде;

— суайдындары бойынша кәсіптік ихтиофауна құрамы талдануда;

— балықтардың күзгі өрістеуге шығу зерттелуде;

-бекітілген балық кәсіпшілігі учаскелерінде табиғат пайдаланушылардың кәсіпшілік аулауына талдау жүргізілуде.

— Қапшағай суқоймасы бойынша балықтардың санын есепке алу үшін эхолотты түсірілім жасалуда.

Сонымен қатар, «Балқаш-Алакөл облысаралық бассейндік балық шаруашылығы инспекциясы» РММ-нің 22.07.2024 жылғы № 30.02-02-27/656 хаты негізінде өткен жиналыстың хаттамасына сәйкес Қапшағай балық шаруашылық инспекциясы бөлімінің мамандарымен бірлесе кәсіптік балықшылардың ауларына талдау жұмыстары жүргізілуде.  

 Қапшағай суқоймасында ғылыми-зерттеу жұмыстарын жүргізу кезеңінде «Балқаш-Алакөл облысаралық бассейндік балық шаруашылығы инспекциясы (БАОББШИ)»  Қапшағай балық инспекциясы бөлімінің бас маманы Карбеков Е.О. қатысуда.  

5 қыркүйектен бастап қазіргі уақытқа дейін «БШҒӨО» ЖШС қызметкерлері: экспедициялық жасақтың бастығы С. Қарлыбайұлы, экспедициялық жасақтың бастығы А. Минат, кіші ғылыми қызметкер С. А. Өтеген, аға зетханашы Н.М. Жазықбаев, зертханашы Сахарин. Н. К. Алакөл көлдер жүйесінің бюджеттік бағдарламалар шеңберінде мынадай ғылыми-зерттеу жұмыстары жүргізілуде.

 «Балық ресурстарын басқару, сақтау мен дамытуды қамтамасыз ету» 021 бюджеттік бағдарламасы аясында 100 қосалқы бағдарламасы;

«Су биологиялық ресурстарын олардың әлеуетін бағалау және қорлар динамикасын модельдеу негізінде сақтау және орнықты пайдалануын үшін су айдындарын кешенді зерттеу» (ЖТН: BR23591095).

«Балқаш-Алакөл бассейнінің қуаң аймақтарындағы (аридті) жабайы жануарларының сақталуына және орнықты пайдалануына қауіп — қатерлерді бағалай отырып түгендеу».

Қазіргі уақытта экспедициялық жасақ келесі жұмыстарды жүргізуде:

— балықтың негізгі биологиялық көрсеткіштері — ихтиологиялық материалды жинау және талдау жүруде;

— суайдындары бойынша кәсіптік ихтиофауна құрамы талдануда;

— бекітілген балық кәсіпшілігі учаскелерінде табиғат пайдаланушылардың кәсіпшілік аулауына талдау жүргізілуде.

— Алакөл көлдер жүйесіндегі балықтардың күзгі өрістеулерін зерттеу және санын есептеу мақсатында жаңғырық зондтау.

Су қоймалары бойынша ғылыми-зерттеу жұмыстары Алакөл балық инспекциясы бөлімінің бас маманы Ш. Куленованың қатысуымен жүргізілуде.

 Алакөл көлдер жүйесінде зерттеу жұмыстары жалғасуда.

BR21882122 «Батыс Қазақстан өңірінің табиғи-шаруашылық және әлеуметтік-экономикалық жүйелерінің орнықты дамуы жасыл өсу контекстінде: кешенді талдау, тұжырымдама, болжамды бағалау және сценарийлер» ғылыми-техникалық бағдарлама бойынша жұмыстар жалғасуда.

Батыс Қазақстан филиалының қызметкерлері «БШҒӨО» ЖШС-нің  бас директорының орынбасары, б.ғ.д., «Балық ресурстары» блогы кіші жобасының басшысы С. Ж. Асылбековамен және БҚО бойынша балық инспекциясы басқармасының қызметкерлерімен бірлесіп, Көшім өзені мен Битик су қоймасына күзгі экспедициялық  іс – сапар ұйымдастырылды.

Жұмыс барысында келесі мониторингтік сынамалар: фито-және зоопланктон, зообентос, сондай-ақ су айдындарының антропогендік жүктемесі мен табиғи капиталын бағалау үшін гидрохимиялық және токсикологиялық зерттеулердің үлгілері алынды.

Ағымдағы жылы «Балық шаруашылығы ҒӨО» ЖШС қызметкерлері «Батыс Қазақстан өңірінің (Маңғыстау, Атырау, Батыс Қазақстан және Ақтөбе) табиғи-шаруашылық және әлеуметтік-экономикалық жүйелерінің орнықты дамуын қамтамасыз ету жөніндегі кешенді зерттеулер» ғылыми-техникалық бағдарламасының BR21882122 «Батыс Қазақстан өңірінің табиғи-шаруашылық және әлеуметтік-экономикалық жүйелерінің орнықты дамуы жасыл өсу контекстінде: кешенді талдау, тұжырымдама, болжамды бағалау және сценарийлер» (блок: балық ресурстары) тақырыбы бойынша ғылыми зерттеулерді жалғастыруда.

Каспий теңізінің жағалауындағы мониторингтік станцияларында гидрохимиялық, гидробиологиялық және ихтиологиялық сынамаларды іріктеудің күзгі кезеңін зерттеуге «Балық шаруашылығы ҒӨО» ЖШС Атырау филиалының директоры Е.Л.Кадимов, аға ғылыми қызметкер Т.А.Өтеулиев және кіші ғылыми қызметкер С.Б.Сүлейменов қатысты.

2024 жылы 12 қыркүйекте Әл-Фараби атындағы Қазақ Ұлттық Университетінде «БҰҰ-ның Тұрақты даму мақсаттарына қол жеткізу үшін жаратылыстану және гуманитарлық ғылымдардың өзекті міндеттерін шешудегі халықаралық ғылыми-академиялық ынтымақтастық» атты дөңгелек үстел ұйымдастырылды, оның барысында еуропалық, ресейлік және еуразиялық зерттеу орталығының жетекші профессорларының Мичиган мемлекеттік университетінің (Michigan State University, MSU) — Steven G. Pueppke и Graham Norman шетелдік қонақтарының баяндамалары тыңдалды. Шағын форматта Қазақстанның түрлі ғылыми-зерттеу институттары орындайтын ғылыми-зерттеу жобаларының мәселелері талқыланды.

️ Дөңгелек үстел барысында акваөсіру зертханасының ғылыми қызметкері Р. Т. Бараков «Балық шаруашылығы ғылыми-өндірістік орталығы» ЖШС жүргізіліп жатқан ғылыми жобалар, Қазақстанның табиғи су айдындарындағы балық ресурстарын сақтау және сирек кездесетін, құрып кету қаупі төнген балық түрлерін жасанды молайту саласындағы жүргізілген зерттеулердің тәжірибесі туралы қысқаша баяндама жасады.

Ландшафттардың деградациясын геоақпараттық талдау зертханасының қызметкерлері баяндамаларды тыңдағаннан кейін жұмыс бөлмелері мен техникалық жабдықтардың тұсаукесері ұйымдастырылды.