Қаржы және экономика бөлімі жетекшісі

Баяндина Ақжан Марасқызы

Ғылыми-зерттеу жұмыстарын тиімді іске асыру және «БШ ҒОӨ» ЖШС-нің тұрақты қызметі уақтылы қаржылық жоспарлауға, бюджет өтінімдерін дұрыс қалыптастыруға, қаражаттың нысаналы пайдаланылуын бақылауға және сапалы экономикалық талдауға тікелей байланысты. Бағдарламалық-нысаналы қаржыландыру жағдайында, шарттық міндеттемелерді орындау және квазимемлекеттік сектор талаптарын сақтау барысында еңбекақы қорының жоспарлануы, ресурстарды ұтымды бөлу, қаржылық есептеулер мен есептіліктің дұрыстығын қамтамасыз ету мәселелері ерекше маңызға ие болады. Орталықтағы осы жұмысты жүзеге асырудағы маңызды буын – қаржы-экономикалық бөлім болып табылады. Бөлім қызметі тиісті ережемен реттеледі.

Міндеттері

Бөлімнің негізгі міндеттері: «БШ ҒОӨ» ЖШС-нің қаржылық тұрақтылығын қамтамасыз ету, бюджет және бюджеттен тыс қаражатты тиімді жоспарлау және пайдалану, ғылыми зерттеулерді жүзеге асыруға экономикалық сүйемелдеу көрсету, қаржы-экономикалық есептеулерді, жоспарлар мен есептерді дайындау, сондай-ақ «БШ ҒОӨ» ЖШС-нің барлық құрылымдық бөлімшелеріне әдістемелік және есептік қолдау көрсету.

«БШ ҒОӨ» ЖШС-нің кірістері мен шығыстарын жоспарлау, қаржыландырудың барлық көздері бойынша бюджетті қалыптастыру және сүйемелдеу, бөлім функцияларына сәйкес басшылық тапсырмаларын орындау, жоғары тұрған ұйымдарға бюджет өтінімдерін, қаржы-экономикалық негіздемелерді және бағдарламалар мен жобалар бойынша есептерді дайындап ұсыну, қаржыландыру қажеттілігін есептеу, еңбекақы қорын жоспарлау, шығын лимиттерін бақылау, бюджеттің орындалуы мен қаржылық көрсеткіштерді талдау, талдамалық анықтамалар мен жиынтық материалдарды дайындау, шарттар мен бағдарламалар бойынша қаражаттың нысаналы пайдаланылуын бақылау, дебиторлық және кредиторлық берешекті мониторингтеу, сатып алулар мен шарттарды қаржылық шарттары бөлігінде келісуге қатысу, бағдарламалық-нысаналы қаржыландыру бойынша есептер үшін есептеулер мен растайтын құжаттарды қалыптастыруды қамтамасыз ету, тексерулерге, аудиттерге және сараптамалық қорытындыларға арналған материалдарды дайындауға қатысу, сондай-ақ жоспарлау, есептеулер және қаржылық тәртіп мәселелері бойынша бөлімшелерге әдістемелік сүйемелдеу көрсету.

Функциялары

Бөлім өзіне жүктелген міндеттерге сәйкес төмендегі функцияларды жүзеге асырады:

Жоспарлау-бюджеттік

«БШ ҒОӨ» ЖШС-нің даму жоспарын қалыптастыру, қызмет бағыттары және қаржыландыру көздері бойынша кірістер мен шығыстарды жоспарлау, қаржыландыруды ұлғайтуға арналған бюджет өтінімдерін және қаражат қажеттілігінің есептерін дайындау, қаржылық жоспарларды, кассалық жоспарларды және шығын лимиттерін құрастыру және түзету, еңбекақы қорын жоспарлау және оның бекітілген көрсеткіштерге сәйкестігін бақылау, сатып алу жоспарларын, шарттарды және қаржылық міндеттемелерді келісуге қатысу, түзету қажет болған жағдайда бюджеттік көрсеткіштерге өзгерістерді уақтылы енгізуді қамтамасыз ету.

Талдамалық

«БШ ҒОӨ» ЖШС-нің қаржы-шаруашылық қызметіне экономикалық талдау жүргізу, бюджеттің орындалуын және шығыс баптары бойынша ауытқуларды талдау, артық шығын немесе үнем себептерін бағалау, тиімділік есептеулерін, қаржы-экономикалық негіздемелерді (ҚЭН) және басшылыққа арналған талдамалық материалдарды дайындау, кірістер мен шығыстардың болжамдарын қалыптастыру, шығындарды оңтайландыру бойынша ұсыныстар әзірлеуге қатысу, қаржылық тәуекелдерді бағалау және оларды төмендету жөніндегі ұсыныстарды дайындау.

Бақылау

Ақша қаражатының нысаналы және ұтымды пайдаланылуын бақылау, шығыстардың бекітілген бюджетке және бағдарламалар мен жобаларды қаржыландыру шарттарына сәйкестігін тексеру, қаржылық есептеулер мен сметалардың дұрыстығын бақылау, жасалған шығыстар бойынша растайтын құжаттардың болуын тексеру, құрылымдық бөлімшелердің қаржылық тәртіпті сақтауын мониторингтеу, шарттық міндеттемелердің қаржылық шарттар бөлігінде орындалуын бақылау, дебиторлық және кредиторлық берешекті мониторингтеу, қаржылық есептілік және бағдарламалық-нысаналы қаржыландыру бойынша есептер үшін қалыптастырылатын деректердің дұрыстығын қамтамасыз етуге қатысу.

Ұйымдастыру-әдістемелік

Құрылымдық бөлімшелерді жоспарлау, өтінімдерді қалыптастыру, есептеулер және сметалар мәселелері бойынша әдістемелік сүйемелдеу, ішкі есептік нысандар мен әдістемелерді әзірлеу және өзектендіру, қаржылық регламенттер мен құжат айналымы рәсімдерін жетілдіруге қатысу, қаржылық жоспарлау және бақылау мәселелері бойынша бөлімшелердің өзара іс-қимылын үйлестіруді қамтамасыз ету, бөлім құзыреті шегінде «БШ ҒОӨ» ЖШС басшылығының тапсырмаларын орындау.

Есептілік

Қаржы-экономикалық мәселелер бойынша жоғары тұрған ұйымдарға жоспарларды, есептерді және есептік материалдарды дайындап ұсыну, жобалар мен бағдарламалар бойынша есептерге арналған қаржылық деректерді қалыптастыру, бюджеттің орындалуы бойынша есептілікті дайындауға қатысу, уәкілетті органдардың сұратулары бойынша ақпарат ұсынуды қамтамасыз ету, тексерулерге, аудиттерге және сараптамалық іс-шараларға арналған материалдарды дайындауға қатысу, бөлім құзыреті шегінде есептік және есептілік құжаттарды сақтау мен жүйелеуді қамтамасыз ету.